S’i vazhdohet kontrata

Përzgjedhësi 65 vjeç i Brazilit, Luiz Felipe Scolari, ka mbetur pa punë! Atij nuk i është vazhduar kontrata me përfaqësuesen braziliane,

pasi që u turpërua në dy ndeshjet e fundit të Botërorit.

Përkundër se ai deklaroi që nuk do të ipte dorëheqje, kreu i futbollit brazilian, Jose Maria Marin, pa të arsyeshme që të mos i vazhdojë kontratën Scolarit dhe ekipit të tij me Kariokët.

Brazili kurrë në histori të saj nuk ka pasur përzgjedhës të huaj, derisa është kampion i pesëfishtë i Botës në futboll. Ata përsëri nuk e realizuan ëndrrën e vjetër mbi gjysmëshekulli për të fituar trofeun në Maracana të Rio De Janeiros.