Sir Alex jep parashikimet për titullin kampion

I pyetur nga gazetarët se çfarë mendon sa i përket fituesit të sivjetëm të Premier Leagues, Sir Alex u përgjigj:

“Mendoj se favoriti kryesor është Manchester City. Pas tyre në listën time janë Tottenhami e Liverpooli, por edhe United nuk mungon në garën për titull nëse krijon vazhdueshmëri të rezultateve. Sezoni është i gjatë dhe 6 pikë nga kreu nuk janë asgjë. Nga gara e titullit nuk mund ta largojmë Arsenalin, por sipas meje Chelsea nuk është kandidat për titull këtë vit.

Rivaliteti dhe përvoja e Mourinhos e Guardiolës e bëjnë edhe më interesante Premier Leaguen. Mourinho është një super trajner, i cili ka fituar tituj në shumë shtete, mirëpo as cilësitë e Guardiolës nuk kanë nevojë të debatohen. Duhet të them që Arsenali këtë vit janë më të pjekur dhe më agresivë. Më së shumti më ka rënë në sy i riu Iwobi, i cili është një lojtar me potencial fantastik.

Kur jemi te trajnerët, duhet ta përmendi punën e Pochettinos, i cili ka krijuar një skuadër të fortë me emra të rinj e premtues.”