‘S’jam hero’

Përzgjedhësi i përfaqësueses shqiptare, Gianni De Biasi, ka dhënë një intervistë për portalin, Gazzetta.gr. ku ka bërë të ditur disa të dhëna interesante për punën e tij me kombëtaren shqiptare. 

Njëra ndër pikat kryesore të cilat ka cekur italiani 56 vjeç thotë se është mentaliteti i lojtarëve. 

“Ka qenë shumë vështirë t’i ndërrohet mentaliteti i lojtarëve. Kemi punuar shumë për të gjetur lojtarët e duhur nëpër Europë,” është cituar të ketë thënë De Biasi në këtë intervistë ndër të tjera. 

Sa i përket ndeshjes ndaj Serbisë, për të cilën UEFA-ja morri vendimin që tashmë dihet, italiani ka thënë: 

“Mendoj se ka qenë vendim jo i drejtë. Nuk ka qenë zgjidhje për problemin. Së pari droni, pastaj hudhja e gjësendeve nga tifozëria serbe e gjërat tjera… Mirëpo, ndoshta të qenit vend i vogël në hartë, u dënuam.”

Sa i përket pasaportës shqiptare të cilën ia dha shteti shqiptar para lojës me Armeninë dhe cilësimin e tij si hero, De Biasi ka thënë në fund: 

“Nuk jam hero. Jam njeri normal që e bën punën e tij seriozisht. Jam krenar që kam marrë shtetësinë shqiptare dhe do të luftojë me nder që të arrijë më të mirën me këtë vend.”