S’ka suspendim shtesë për Torresin

Sulmuesi spanjoll i Chelseat, Fernando Torres, do të mungojë vetëm një ndeshje për londinezët në Premier League. 

Për Torresin ditë më parë u përfol se do të mund të suspendohej për katër ndeshje për shkak të incidentit që kishte me mbrojtësin e Tottenhamit, Jan Vertonghen. 

Por, Federata Angleze (FA) e futbollit ka marrë vendim që të mos suspendohet Torres për incidentin, kur shihej se si kishte gërvishtur në fytyrë mbrojtësin belg të rivalit të qytetit. 

FA ka ndërruar rregullat e incidenteve retrospektive nga fillimi i këtij stinori. Suspendimet shtesë për kësi lloje të incidenteve mirren vetëm nëse asnjëri nga referët nuk e ka parë atë - që për këtë rast nuk vlen, pasi që referët e kanë parë atë gjatë ndeshjes dhe nuk e kanë dënuar aktin e spanjollit.