Sot përcaktohen finalistët, përfaqësuesit e mundshëm në Europa League

Me fillim nga ora 15:00, sot zhvillohen ndeshjet kthyese gjysmëfinale të Kupës së Kosovës, ndeshje pas të cilave do t’i kuptojmë finalistët e Kupës, njëri prej të cilëve do ta përfaqësojë Kosovën në Europa League sezonin e ardhshëm, gjithmonë nëse paraprakisht arrin të licensohet sipas rregullave.

Vushtrria e Prishtina përballen mes vete në Vushtrri, takim i cili nis me Prishtinën favorite për shkak të fitores 1-0 në duelin e parë, derisa në Gjakovë luhet derbi i dy skuadrave kuqezi, Vëllaznimit e Drenicës. Ndeshja e parë mes tyre në Skenderaj përfundoi 1-1, rezultat ky që i jep epërsi të lehtë gjakovarëve për shkak të golit në terrenin mysafir.

SKEMA E KUPËS SË KOSOVËS

Finalja mes dy skuadrave që kualifikohen sot luhet më 3 qershor.