NDESHJET E KTHIMIT
Përmes Kupës drejt garave ndërkombëtare/ BOROZANI/ A. P./ Arkiv
Të mërkurën kuptohen finalistët
16 April, 2018 @14:55
Pas ndeshjeve të para të zhvilluara në mesjavën e shkuar, këtë të mërkurë do të kuptohen përfundimisht finalistët e Kupës së Kosovës.
Pra, më 18 prill në ora 15:00, do të fillojnë ndeshjet e kthimit ndërmjet Vëllaznimit dhe Drenicës e Vushtrrisë e Prishtinës, ku skuadrat do të kërkojnë finalen.
Prishtina ka mposhtur Vushtrrinë në ndeshjen e parë 1-0 dhe pak është më afër finales.
Ndërsa në duelin tjetër Drenica e Vëllaznimi barazuan në Skenderaj, 1-1, ku në këtë rast përparësi e vogël i ipet Vëllaznimit, pasi që ka shënuar një gol si mysafir.
Fituesit e çifteve kalojnë në finale. E fituesi i finales, pra fituesi i Kupës së Kosovës në futboll do të sigurojë garat kualifikuese për Europa Ligë, nëse ka kaluar kriteret e licensimit si ekip në UEFA.
