Spalletti: Problemet duhet t’i zgjidhim vetë

Tekniku i Interit, Luciano Spalletti, ka dhënë deklaratë enigmatike lidhur me eliminimin e djeshëm të ekipit të tij, në kuadër të Kupës së Italisë.

“Humbën vetëbesimin. I bëmë gjërat me më pak besim në cilësitë tona,” ka thënë fillimisht Spalletti për Rai Sport.

“Kur rastet vinë dhe nuk i shfrytëzon, ky është fakti. Në nivelin piskik, duhet të kthehemi, duhet të kemi të qartë se duhet bërë më shumë. Nëse një lojtar nuk i beson cilësive të veta, kjo vështirëson punët, ndikon te ekipi,” ka shtuar ndër të tjera Spalletti.

Më tej Spalletti u pyet mos ndoshta Mauro Icardi dhe Ivan Perisic janë lojtarët të cilët nuk shkëlqyen mbrëmë, por trajneri pa përmendur emra ka thënë se nëse fuqia, karakteri dhe psikologjia e lojtarit nuk funksionojnë bashkë, ky do të jetë përfundimi.

Pas eliminimit nga Kupa e Italisë, Inter do të mbyll vitin në Serie A në Giuseppe Meazza ndaj Lazios, për të cilët mbron portieri i kombëtares shqiptare, Thomas Strakosha.