STUTTGART-BAYERN
S’shënojnë penalltinë, Bayern fiton
16 December, 2017 @17:33
Bayern Munchen ka shënuar edhe fitoren e radhës në Bundesligë sot, duke e mposhtur Stuttgartin si mysafir me rezultat minimal, 0-1.
Ka qenë zëvendësuesi Thomas Muller që ka shënuar golin e vetëm të takimit në minutën e 79 të ndeshjes, derisa 14 minuta më parë kishte zëvendësuar Corentin Tolisson.
Sidoqoftë, vendasit kanë pasur rastin më të mirë të mundshëm për të barazuar në fund të ndeshjes dhe për të mos lënë mysafirët të kthehen në shtëpi me tre pikë.
Mirëpo, Chadrac Akolo nuk ka arritur të shënojë penalltinë në sekondën e fundit të ndeshjes për të mbetur 0-1 në fund.
Ishte ky vetëm goli i dytë në Bundesligë i Mullerit, gol që vendos ‘bavarezët’ me 41 pikë në krye të renditjes, 11 më shumë se ekipi i dytë në renditje.
