S’shitet Rooney!

Në konferencën e parë për shtyp të David Moyesit si trajner i Manchester United, gazetarët e ngushtuan shumë skocezin. 

Përkundër të gjithave, numri i madh i gazetarëve ishte i interesuar të dinte fatin e sulmuesit, Wayne Rooney. 

“Wayne nuk është në shitje. Ai është futbollist i Manchester United dhe do të mbetet lojtar i Manchester Unitedit. Kam pasur disa takime me te dhe ai është duke u stërvitur mirë dhe e kam parë bebëzën e syrit të tij - duket i lumtur,” ka thënë Moyes. 

Pas kësaj gazetarët e pyetën Moyesin: OK! Por a dëshiron të qëndrojë Rooney në Old Trafford? Ndërsa përgjigjja e Moyesit ishte kështu: “Mund t’ju them se Rooney është duke u stërvitur në mënyrë fantastike,” duke refuzuar shpjegim të mëtutjeshëm të çështjes. 

Që nga ardhja e David Moyesit në skuadër është spekuluar shumë në mediat angleze për një largim të Rooneyt nga Manchester United, por një gjë e tillë nuk ka ndodhur ende dhe në fakt - nuk ka pasur asnjë ofertë në drejtim të klubit për sulmuesin anglez.