S’shpëton dot

Një natë dramatike u përjetua sonte në Europa League, që la të eliminuar nga Europa Liverpoolin e Napolin, derisa Chelsea shpëtoi krejt në fund nga vazhdimet. 

Një gabim amatoresk i Jamie Carragherit, la të vetmuar Hulkun e Zenitit, para portës së Pepe Reinas, ku braziliani shënoi për 0-1. 

Liverpool tërë ndeshjen ndoqi rezultatin dhe nëpërmjet Luis Suarezit mahnitës arriti në 3-1, por kjo nuk ishte e mjaftueshme për kualifikim të skuadrës së Brendan Rodgersit, pasi që në ndeshjen e parë kishin humbur 2-0 në Rusi. 

Napoli nuk ka arritur të shënojë asnjë gol në dy ndeshje ndaj Victorias së Plzenit. Përkundër se me pak gjasa, pasi humbën ndeshjen e parë 0-3 në San Paolo, ata dështuan keq edhe sonte. U mposhtën 2-0 në Çeki dhe kështu me rezultat të përgjithshëm 5-0 për Victorian, Napoli eliminohet. 

Ndërkaq Chelsea, i ardhur nga Liga e Kampionëve në Europa League, ka hequr të zitë e ullirit për të siguruar kualifikimin, pa shkuar në vazhdime. Sparta e Pragës ka udhëhequr që nga minuta e 17-të e ndeshjes me anë të golit të David Lafatas, derisa është dashur një mrekulli nga Eden Hazard në minutën e fundit të takimit për të shpëtuar fytyrën e Rafa Benitezit. 

EUROPA LEAGUE, SOT