MEDIA
Stoke arrin marrëveshje me Interin për Shaqirin
1 July, 2015 @14:35
Xherdan Shaqiri mund të përfundojë në Premier League.
Futbollisti shqiptar me nënshtetësi zvicerane, po kërkohet nga skuadra Stoke City, e cila sipas mediave italiane tashmë ka arritur marrëveshje me skuadrën e futbollistit.
Sipas Sky Sport Italia, skuadra e Interit është pajtuar që t’ia jap kartonin e Shaqirit skuadrës së Stoke-it për dëmshpërblim prej 17 milionë eurove, dhe tani për kompletimin e transferimit i mbetet skuadrës angleze që ta bind 23 vjeçarin nga Zhegra e Gjilanit.
Shaqiri sivjet me fanellën e Interit ka pasur 20 paraqitje dhe ka shënuar 3 gola.
