SHTESË NË MESFUSHË
Suhareka zyrtarizon mesfushorin e Fushë Kosovës
11 January, 2024 @16:07
Mesfushori i deritashëm i Fushë Kosovës, Arbios Thaçi është zyrtarizuar sot si lojtar i ri i ekipit të Suharekës.
Arbios Thaçi është prezantuar te FC Suhareka, që pret forcë shtesë në mesfushë nga lojtari në fjalë.
“Ju njoftojmë që kemi arritur marrëveshje me futbollistin nga Skenderaj , Arbios Thaçi i cili transferohet nga superliga e Kosovës pritet të jetë ndihmesë e madhe e mesfushës tonë.
Thaçi së fundmi ishte pjesë e KF FushëKosova në të kaluarën ishte pjesë edhe e Drenicës, Gjilanit e Malishevës.” — ka shkruar FC Suhareka në njoftim.
Suhareka që drejtohet nga trajneri Arsim Thaçi, ka kryer pjesën e parë të stinorit në Ligën e Parë - Grupi A në pozitë të dytë të renditjes tabelare, me shtatë më pak sesa Dinamoja lidere.
