CHAMPIONSHIP
Simon Grayson, me mision kthimin e Sunderlandit në Premier Ligë/ Foto: safc.com
Sunderland emëron Graysonin trajner
30 June, 2017 @5:41
Pas largimit të David Moyesit nga posti i trajnerit të ekipit, në kohën kur Sunderland ra nga Premier Liga në Championship, ekipi i ‘maceve të zeza’ ka bërë të ditur sot se ka emëruar Simon Graysonin trajner.
Grayson ka nënshkruar kontratë 3 vjeçare me Sunderlandin dhe do të mundohet t’i kthejë ata në Premier Ligë sa më shpejtë të jetë e mundur.
“Jam i kënaqur që erdha te Sunderland. Një klub me traditë, histori dhe kam emocione pas besimit që mu dha për të menaxhuar këtë ekip dhe mundësisë për kthimin e kohërave të mira këtu,” ka thënë Grayson në konferencën e parë të tij për shtyp si trajner i Sunderlandit.
Grayson 47 vjeç ka qenë 4 vite te Preston North End, duke e ngritur këtë ekip nga një ekip i ligave të ulëta të Anglisë, në ekip që konkurron për një vend në Championship.
