Super Crisitano vendos

Ylli portugez dhe Topi i Artë i vitit të kaluar, Cristiano Ronaldo, është treguar të jetë edhe njëherë një shkallë më lartë se të gjithë lojtarët tjerë në fushë - duke vendosur finalen e Superkupës së UEFA-së, ku Real Madrid mposhti Sevillën. 

Së pari, ai pranoi një harkim të gjatë të Gareth Bale-it për të shënuar për 1-0, derisa në pjesë të dytë me një goditje të fuqishme me të majtën e tij jo dominante, ka arritur që të ‘shtrembërojë’ duart e portierit të Sevillës, Beto, për 2-0. 

Debutimet e transfereve të reja

Ky është trofeu i radhës për Real Madridin me Carlo Ancelottin në krye, pas La Decimas së fituar në fund të muajit maj. 

Toni Kroos dhe James Rodriguez, dy transferet e bujshme të madrilenëve debutuan zyrtarisht për Merenguesët sonte, derisa asnjëri nuk arriti të ndikojë diçka më shumë, duke mos shfaqur gjurmë të mëdha në lojë. 

Keylor Navas dhe Angel Di Maria, rezervë

Në anën tjetër, Sevilla, nuk është se nuk i pati rastet e saja, por ato ishin të zbehta dhe dukeshin të ngadalshme kur krahasoheshin me shpejtësinë e lojës së Real Madridit. 

Për madrilenët sonte mbrojti Iker Casillas, derisa portieri i ri Keylor Navas, qëndroi në bankën rezervë. Gjithashtu, i përfoluri për transferim, Angel Di Maria, qëndroi në bankën rezervë të madrilenëve, duke qenë pjesë e ekipit ende. 

FAKT: