Super Griezmann, Atletico fiton Europa Leaguen

Atletico Madrid është fitues i edicionit 2017/2018 të Europa Leagues!

Skuadra nga kryeqyteti spanjoll më lehtë se që pritej e fitoi finalen e zhvilluar sonte ndaj Marseillet në Lyon, për ta fituar kështu për herë të tretë këtë garë (2010, 2012, 2018).

Si zakonisht, në skenë kur duhej për Atleticon doli francezi Antoine Griezmann, i cili shënoi nga një herë në secilën pjesë, për t’ia dhënë skuadrës së tij një epërsi solide, e cila më pas u trefishua nga Gabi dhe në fund rezultoi me trofeun e merituar.

Sa i përket francezëve, për t’u përmendur nga ana e tyre është një shtyllë e goditur rreth 10 minuta para përfundimit të kohës së rregullt, mirëpo porta e sllovenit Oblak mbeti e paprekur dhe ndeshja u mbyll me rezultatin përfundimtar 0-3.