ZEQIR YMERI - KUKËS
Super Pejic, në fund për fitore
21 March, 2015 @16:19
Sulmuesi shtatëgjatë i Kukësit, Pero Pejic, edhe njëherë është treguar vendimtar për ekipin e Artim Shaqirit.
Kukësi ka shënuar fitore në ndeshje ndaj Vllaznisë sot në Zeqir Ymeri me anë të golit të vetëm të shënuar nga kroati në minutën e fundit të ndeshjes.
Pejic me këtë fitore çon Kukësin në krye të tabelës përkohësisht, derisa rivali i tyre në krye, Skënderbeu luan më vonë ndaj të fundosurit në tabelë, Elbasanit.
Për momentin Kukësi është lider i Kategorisë Superiore me 58 pikë, një më shumë se Skënderbeu që luan më vonë sot ndaj Elbasanit në Korçë.
