Drenica bindshëm ndaj Besës

Drenica ka arritur të shënojë fitore komode ndaj Besës së Pejës në Bajram Aliu sot. 

Ekipi i Tahir Lushtakut ka nisur furishëm ndeshjen duke shënuar dy herë brenda 7 minutave të para të lojës me anë të Sami Gecit dhe Besar Dushit. 

Besa tentoi kah fundi i pjesës së parë për të bërë diçka më shumë, por Fetim Kasapi nuk qëlloi rrjetën nga dy raste që i kishte, sikurse edhe Kastriot Rexha. 

Me të nisur pjesa e dytë, trajneri i pejanëve, Arbnor Morina futi në lojë Qëndrim Dautajn që solli fitoren e Besës në xhiron e kaluar. 

Mirëpo, përkundër insistimit të Besës, një akcion shumë mirë i organizuar nga kuqezinjtë vendas, ua solli atyre golin e tretë përmes Hysen Tahirit dhe golin që preu çdo shpresë të ekipit pejan. 

Kjo ishte fitorja e dytë për Drenicën në pjesën pranverore të kampionatit, derisa Besa pas dy fitoreve me radhë, është njoftuar me humbje në pranverë. 

Në xhiron e radhës Besa pret Dritën e Gjilanit në Shahin Haxhiislami të Pejës, derisa Drenica udhëton në kryeqytet për tu ndeshur me Prishtinën. 

REZULTATET DHE TABELA AKTUALE