GRUPET G DHE H
Super Tottenhami mposht Realin dhe siguron kualifikimin
1 November, 2017 @22:46
Pas humbjes nga Manchester United në Premier League, skuadra e Tottenhamit sonte shënoi një fitore të madhe ndaj Realit në ‘Wembley’, për ta siguruar kualifikimin për në fazën tjetër të Ligës së Kampionëve dy xhiro para përfundimit të fazës grupore.
Spurs zhvilluan një ndeshje shembullore, ndërsa humbja e sontme në anën tjetër vjen pak ditë pas humbjes që Reali e pësoi ndaj Gironas në La Liga. Në ndeshjen tjetër të grupit, Dortmundi ‘dëshpëroi’ në ‘Signal Iduna Park’ ndaj skuadrës së APOEL-it, për të shuar kështu gati të gjitha shpresat për një nga 2 vendet e para të grupit.
Në Grupin H, Besiktasi barazoi 1-1 ndaj Monacos, ndërsa Porto fitoi 3-1 ndaj Leipzigut, për t’u ngjitur kështu në vendin e dytë. Edhe më tutje ky grup ka lider Besiktasin, që llogaritet si favorit për të kaluar tutje si vend i parë.
