Suspendohet për tre ndeshje

Mario Balotelli pritet të mungojë në tre ndeshjet e radhës për Milanin, pasi që për kaq ndeshje e ka suspenduar Federata italiane e futbollit për shkak të kartonit të dytë të verdhë me të përfunduar ndeshja derbi ndaj Napolit të cilën Milan e humbi 1-2.

Balotelli ka pasur një grindje me kosovarin e Napolit, Valon Behrami, ndërsa me të përfunduar ndeshja është fjalosur edhe me referin e ndeshjes, që ia dha kartonin e dytë të verdhë. 

Nata e mbrëmshme ka qenë jo me fat për sulmuesin italian pasi që ai ka dështuar edhe nga pika e bardhë për herë të parë në karrierë, derisa në minutën e fundit shënoi një gol të mrekullueshëm, por që nuk kishte vlerë më për ekipin.