Terry në Championship

Qendërmbrojtësi legjendar i Chelseat, John Terry, është zyrtarizuar si lojtar i ri i Aston Villës për stinorin e radhës.

Terry 36 vjeç do t’i ndihmojë ekipit nga Birmighami që të kërkojë rikthimin në Premier Ligë.

Ai vjen te Aston Villa si kampion i Anglisë, ku fitoi me Chelsean në stinorin 2016/17 titullin kampion. Klubi nga “Villa Park” ka bërë të ditur se ish kapiteni i Anglisë ka nënshkruar kontratë 1 vjeçare.

“Aston Villa është një klub që e kam adhuruar për shumë vite. Ekipi ka infrastrukturë fantastike dhe njërin ndër stadiumet më të mira në vend. Nën drejtimin e trajnerit me përvojë, Steve Bruce, dhe me bashkëlojtarët do të provojmë diçka speciale këtu,” ka thënë Terry në prononcimin e parë të tij si lojtar i Aston Villës.