VIDEO
Thehet akulli, shënon Tarashaj
21 October, 2016 @22:22
Futbollisti shqiptar që po luan në Bundesligë me skuadrën Eintracht Frankfurt, Shani Tarashaj, ka realizuar golin e tij të parë me këtë skuadër.
Tarashaj ka shënuar sot gol të bukur në ndeshjen kundër Hamburgut, pas një depërtimi të bukur individual.
21 vjeçari e nisi ndeshjen si titullar, ndërsa menjëherë pas golit edhe u zëvendësua për t’ia lënë vendin bashkëlojtarit të tij.
Goli i Tarashajt ishte një nga tre golat e Eintrachtit në fitoren 3-0 si mysafire ndaj Hamburgut.
Tarashaj ishte huazuar në fillim të stinorit te Eintrachti nga skuadra e Evertonit.
