Titulli s’e shpëton stinorin

Sulmuesi i Barcelonës, Lionel Messi, ka ardhë në përfundim se edhe po të fitohet titulli i La Ligas në ndeshjen e fundit, kjo nuk do të shpëtonte stinorin e Barcelonës. 

Barcelona brenda një jave të prillit humbi në finale të Copa Del Rey nga Real Madrid dhe u eliminuar nga Liga e Kampionëëve në çerekfinale - prej Atletico Madrid. Mediat shkarkuan që prej asaj kohe Tata Martinon nga posti i trajnerit të Barcelonës. Derisa Luis Enrique, ish lojtari i Barcelonës, pritet të jetë zëvendësuesi i tij. Disa ditë më vonë Barcelona pësoi goditje tjetër kur ndërroi jetë edhe ish trajneri i saj, Tito Vilanova. 

“Ne duam ta fitojmë La Ligan, pas gjithçkaje që kaloi dhe këtë t’ia dedikojmë Titos, që sigurisht se do ta donte këtë. Stinori ka qenë i çuditshëm. Tre ekipet kryesuese kanë bërë gabime shpeshherë derisa në fund ne jemi me fat që mund të vendosim vetë për titull,” ka thënë ylli argjentinas i Barcelonës, Lionel Messi. 

“Natyrisht që Liga është njëra ndër garat më të rëndësishme dhe trofeu është tepër i rëndësishëm, por s’e di nëse kjo do ta shpëtonte stinorit tonë,” ka shtuar në fund Messi, duke bërë të ditur se nuk është i kënaqur me atë që kaluan Blaugranat në 2013/14. 

Barcelona duhet të fitojë Atletico Madridin për tu shpallë kampion i La Ligas në ndeshjen që zhvillohet të shtunën. 

Mirëpo, gjëja brengosëse është se Messi dhe kompania e tij nuk kanë arritur që të mposhtin Atletico Madridin në asnjërën nga 5 ndeshjet e zhvilluara deri më tani këtë stinor.