Tottenham zë Liverpoolin

Tottenham Hotspur ka shënuar sot fitoren e katërt në pesë ndeshjet e fundit, derisa ka mposhtur Swansea Cityn si mysafir në stadiumin Liberty 3-1. 

Emmanuel Adebayor, që në kohën e Andre Villas Boas as nuk bëhej hesap në ekip, ka shënuar dy gola në fitoren e sotme të Tottenhamit, derisa ngritja e ekipit të veriut të Londrës po vazhdon. 

Trajneri i ri Tim Sherwood ka impresionuar me ngjalljen e ekipit të cilët tashmë përveç se po fitojnë, po shënojnë dhe po ngriten në tabelë. 

E në anën tjetër, Swansea, i mbuluar me disa lëndime të lojtarëve kyq, nuk po arritën të kthjellet assesi, pasi që në pesë ndeshjet e fundit ka shënuar një fitore të vetme. 

Përndryshe, ngritja e Tottenhamit në ndeshjet e fundit ka çuar ekipin nga White Hart Lane në pozitën e pestë aktualisht duke u barazuar me pikë me Liverpoolin. 

Rezultatet dhe tabela aktuale.