Tovërlani dënohet me 300€

Trajneri i Prishtinës, Afrim Tovërlani është dënuar me 300€ në bazë të Rregullores Disciplinore të FFK-së, për shkak të deklaratave të pamatura, ofenduese dhe kërcënuese në media pas incidentit në ndeshjen Trepça-Prishtina. 

Tovërlani shpërndau mllefin e tij në një konferencë për shtyp pas ndeshjes me Trepçën, kur ai u lëndua nga një goditje me kanaçe nga tifozëria mitrovicase. 

Mirëpo, në ditën e ardhshme Tovërlani u bë i dyshuari kryesor për mashtrim të opinionit në bashkëpunim me mjekun e klubit, pasi që nuk pranoi të hiqte kapelën para gazetarëve për t’ia parë çarjen e kokës si dhe duke mos dorëzuar kurrëfarë raporti mjekësor lidhur me gjakosjen e tij. Drejtuesit e Trepçës thanë që Tovërlani me fizioterapeutin Alban Llumnica kanë manipuluar me jod, për të bërë të madhe rastin.  Por Tovërlani dëshmoi të kundërtën me raportin mjekësor të dërguar në FFK.