TURQI
Trajneri prizrenas merr kreun e Gençlerbirligit
25 August, 2015 @20:58
Vetëm pas dy ndeshjeve të zhvilluara në Superligën e Turqisë, drejtuesit e skuadrës Gençlerbirligi kanë shkarkuar trajnerin skocez, Stuart Baxer, për ta emërtuar në vend të tij ish trajnerin e Bylisit dhe Kukësit, prizrenasin Naci Sensoy.
Sensoy që nga stinori i kaluar ka qenë pjesë e Gençlerbirligit, ku ka kryer detyrën e ndihmës trajnerit, derisa debutimin e tij si kryetrajner do ta bëjë këtë fundjavë në përballje me skuadrën Kasimpasa.
Gençlerbirligi pas dy xhirove të para në Superligën e Turqisë, renditet në pozitën e parafundit pa asnjë pikë dhe golaverazh prej -3 golave.
