Transferi ishte i pamundur

Drejtuesi shqiptar i skuadrës së Lazios, Igli Tare, ka folur për dështimin e transferimit të sulmuesit turk të Galatasarayit, Burak Yilmaz.

Ekipi nga Serie A, megjithëse ishte në bisedime një kohë të gjatë me Galatasarayin dhe menaxherin e futbollistit, nuk arriti ta përfundojë me sukses këtë transfer.

“I kuptoj tifozët të cilët u zgjënjyen për rastin e Burakit. Mirëpo për ta marrë atë kemi bërë gjithçka që është e mundur. Nuk ishte lehtë. Një menaxher nuk guxon të ndikojë në të ardhmen e klientit të tij. Për ta bërë këtë transfer duhej që t’i plotësonim dëshirat e atij menaxheri. Kjo ishte e pamundur,” tha Tare për Lazio Style Radio.

Siç dihej, transferimi i Burak Yilmazit në Lazio dështoi pasi menaxheri i lojtarit kërkoi 2 milionë euro vete që ta kompletojë transferimin.