Tre gola, për histori të La Ligas

Argjentinasi Lionel Messi është duke shikuar mundësinë për të shënuar dy gola në përvjetorin e dhjetë të debutimit të tij me Barcelonën. 

Me dy gola në ndeshje ndaj Eibarit të shtunën, Messi do të barazonte rekordin e legjendarit Telmo Zarra që ka shënuar 251 gola në La Liga dhe është golashënuesi më i mirë historik i Spanjës. 

Mirëpo, lojtari i dikurshëm i Athletic Bilbaos, Zarra, nëse jo këtë fundjavë, në xhirot e ardhshme do të dalë në vend të dytë të kësaj liste, pasi që sulmuesi argjentinas i Barcelonës nuk pritet të ketë problem që të shënojë tre gola dhe të arrijë shifrën e 252 golave në La Liga, për tu regjistruar si legjendë e golave në Spanjë.