Tregon destinacionin

Trajneri portugez, Jose Mourinho, është konfirmuar në fillim të kësaj jave nga kreu i Real Madridit, Florentino Perez, që do të shkojë nga klubi më i madh spanjoll. 

Ndërsa vetë Mourinho përkundër shumë spekulimeve dhe lidhjeve me Chelsean - nuk ka folur deri më sot. 

“Po shkoj në Londër, aty ku po më duan,” ka thënë Mourinho për të përditshmen La Razon, sot. 

“Merreni një gazetë dhe do të shihni se askush tjetër nuk më do, përveç Londrës,” është cituar më tej Mourinho nga gazeta. 

Më tej, gazeta ka kërkuar nga trajneri i suksesshëm portugez që të komentojë për Carlo Ancelottin si pasardhës të mundshëm të tij në Real Madrid. 

“Carlo është njeri i mirë, ai është njeri i mirë,” ka thënë shkurt Mourinho për kolegun e tij.