UEFA Futsal Champions League, nesër në Prishtinë!

Siç është njoftuar edhe më herët, muaji tetor do të jetë muaj historik sa i përket sportit të futsallit në Kosovë.

Për herë të parë, Kosova, përkatësisht qyteti i Prishtinës dhe klubi i futsallit Feniksi, do të jenë mikpritës të UEFA Futsal Champions League Main Round mes datave 3 dhe 6 tetor.

Në grupin e Feniksit në këtë raund janë 4 skuadra. Krahas Feniksit, marrin pjesë edhe klube të mirënjohura të futsallit evropian si Sporting Lisbona (Portugali), Kairat Almaty (Kazakistan) dhe LSM Lida (Bjellorusi).

Siç ka njoftuar klubi i Feniksit, bileta për një ditë kushton 4 euro, biletë me të cilën mund të shikohen të dy ndeshjet e ditës.

Në rast se Feniksi e kalon këtë fazë, më pas luan në ‘Elite Round’, ku rrethi i skuadrave elitare të futsallit evropian ngushtohet edhe më tepër.

Në foton e mëposhtme e gjeni orarin e plotë të ndeshjeve që luhen në Pallatin e Rinisë dhe të Sporteve këtë javë.