United kalon Yeovilin

Manchester United ka shënuar dy gola në pjesë të dytë të ndeshjes për të kaluar në Raundin IV të FA Cup, pasi që mposhti Yeovilin si mysafir, 0-2. 

Spanjolli Ander Herrera dhe argjentinasi Angel Di Maria kanë shënuar nga një gol për të përcaktuar rezultatin përfundimtar të ndeshjes, derisa Di Maria regjistroi rikthimin me gol pas lëndimit. 

Kosovari Adnan Januzaj nuk u paraqit fare për Djajt e Kuq, duke qëndruar për 90 minuta në bankën rezervë të ekipit të tij. 

Ish trajneri i Manchester Unitedit, Sir Alex Ferguson, ka qenë mysafir special në Huish Park të Yeovilit me kapacitet 10 mijë ulëse, ku arriti me helikopter privat për të parë ish skuadrën e tij.