ZYRTARE
United zyrtarizon trajnerin e ri
19 December, 2018 @10:25
Ajo që u raportua dje, sot u bë zyrtare.
Ole Gunnar Solskjaer është zyrtarizuar sot si trajneri i ri i Manchester United.
Roli i tij si trajner te 20 herë kampioni anglez do të jetë i përkohshëm, me shumë gjasë deri në fund të sezonit, derisa ai do të ndihmohet nga Mike Phelan, ndihmësi i njohur i Sir Alex, si dhe nga Michael Carrick e Kieran McKenna, të cilët ishin në stafin e Jose Mourinhos këtë sezon.
Siç dihet, Solskjaer ishte pjesë e United si lojtar gjatë viteve 1996-2007, ku në 366 paraqitje shënoi 126 gola.
