Vangjeli, kapiten i Arisit

Korçari Kristi Vangjeli ka filluar ndeshjen e dytë të tij te Arisi në formacionin bazë të ekipit dhe për më tepër, grekët ia kanë shpërblyer besimin të kthyerit në ekip pas viteve të kaluara në Ukrainë, me shiritin e kapitenit. 

Kapiten Vangjeli ka luajtur tërë ndeshjen deri në fund, derisa ekipi i tij Aris ka dalë me barazim nga mysafirllëku në Panaitolikos 0-0. Kjo pikë ka qenë tejet e rëndësishme për Arisin që është e fundit në renditjen e elitës greke të futbollit, me 14 pikë nga 23 ndeshje. 

I rikthyeri në Aris, Vangjeli, pat kaluar dy stinorë e gjysëm në Ukrainë me ekipin e Chernomorets Odessas, ku së fundi është përcjellur me disa lëndime që edhe e lanë atë jashtë kombëtares shqiptare prej se erdhi Gianni De Biasi në krye të saj.