DRENICA - LIRIA
Uka për fitore dhe fundosjen e Lirisë
20 October, 2018 @16:00
Goli i vetëm në përballjen e zhvilluar në Bajram Aliu të Skenderajt ka ardhur nga Kreshnik Uka. Uka me golin e tij në minutën e 39-të të ndeshjes i ka sjellë epërsinë Drenicës, që ka dalë të jetë edhe goli i fitores dhe tre pikëve të reja.
E anën tjetër, fundosja e Lirisë po vazhdon. Sot ka ardhur edhe humbja e pestë në gjashtë ndeshjet e fundit për ekipin prizrenas, që është shndërruar në një kafshatë të lehtë për kundërshtarët e Superligës dhe tashmë është në zonën e fundosjes edhe në klasifikim.
Drenica përveç golit, ka pasur edhe raste tjera për të shënuar si në pjesë të parë edhe në të dytën, por goli nuk ka ardhur, derisa Liria rastet e vetme për tu përmendur i ka pasur krejt në fillim të ndeshjes.
Pas kësaj fitoreje Drenica kap kuotën e 18 pikëve, ndërsa Liria mbetet në 9.
FORMACIONET STARTUESE
| DRENICA: Ymeri, Pasoma, Sykaj, Bejta, Lushtaku, Mustafa, Thaqi, Dajaku, Uka, Abazi, Elshan LIRIA: Gashi, Thaqi, Gjeraj, Kolloni, Daci, Walidjo, Susuri, Mustafa, Binishi, Fetahaj, Gashi |
