Verratti kryen bisedimet me Realin

Dirigjenti i mesfushës parisiene, Marco Verratti, mund të jetë ‘bomba’ më e re e Real Madridit, ka bërë të ditur AS sot. 

Mesfushori 22 vjeç i ekipit parisien, thuhet të ketë arritur marrëveshje personale me Real Madridin për rrogë vjetore prej 7 milionë eurove në vjet. 

Ndërsa tani pritet reagimi i Paris St Germainit, që parashikohet të kërkojë minimum 50 milionë euro për talentin të cilin e rrëmbyen nga Pescara në verën e vitit 2012 për 12 milionë euro. 

Verratti përkundër se është italian, asnjëherë nuk ka arritur të luajë në Serie A të Italisë.