Vidic në Inter, afër konfirmimi

Inter është bërë favoriti kryesor për ta rrëmbyer futbollistin serb, Nemanja Vidic, i cili më parë kishte konfirmuar se do të largohet nga Manchester United në fund të këtij edicioni.

E përditshmja italiane, Gazzeta dello Sport, ka raportuar se tashmë kanë mbetur vetëm disa detaje të vogla ndërmjet lojtarit dhe Interit për t’u nënshkruar kontrata tre vjeçare me vlerë prej 2.6 milionë eurove.

Sipas kësaj gazete, presidenti i Interit, Erick Thohir, është duke planifikuar që ta kompletojë transferimin e Vidicit gjatë këtij muaji.