Vij me Suarezin

Ende pa u kuptuar se ku do të shkojë si trajner i ri, pasi që tha se do të largohet nga Bayerni në fund të stinorit, Pep Guardiola ka bërë të ditur se sulmuesi kryesor i skuadrës duhet të jetë Luis Suarez. 

Njoftimin e ka dhënë Eurosporti sot, derisa me këtë kërkesë të tij, Guardiola ka dhënë sinjale se ekipi i tij i ri mund të jetë Manchester City, pasi që ata janë ekipi që më së lehti mund t’ia përmbush kërkesën 100 milionë funtëshe të trajnerit në fjalë. 

Guardiola nga mediat britanike shihet si opcion i mundshëm për të kaluar në njërin nga ekipet angleze: Manchester City, Manchester United ose Chelsea në verën e vitit të ardhshëm.

Uruguajani Suarez në anën tjetër është duke e përjetuar vitin më të mirë të tij në karrierë me Barcelonën. Ai ka shënuar së fundi në Kampionatin Botëror të klubeve 5 gola në dy ndeshje, që sollën titullin e botës për Barcelonën.