NAPOLI
Napoli mban hapin
20 December, 2015 @17:34
Ekipi i Elseid Hysajt, Napoli, ka shënuar fitore të rëndësishme duke ia shkaktuar humbjen e parë në shtëpi Atalanatas.
Megjithëse në pjesën e parë nuk kishte asnjë gol, në pjesën e dytë të pranishmit në stadium kishin mundësinë të shohin katër gola.
Goli i parë erdhi në minutën 52’ nga pika e bardhë, të cilën e realizoi Marek Hamsik, ndërsa dy minuta më vonë Alejandro Daro Gomez e barazoi rezultatin.
Më pas në skenë doli Gonzalo Higuain, i cili me dy gola, e përmbylli dilemën e fituesit.
Që të dy skuadrat fundin e takimit e pritën me nga një lojtar më pak për shkak të kartonave të kuq të Jorginhos të Napolit dhe Palettas të Atalantas, derisa në minutën 90’ Hamsik e huqi mundësinë e shënimit të një goli tjetër, pasi që nuk ishte i saktë nga penalltia.
Mbrojtësi i kombëtares shqiptare, Elseid Hysaj, në këtë ndeshje luajti për 90 minuta.
