GRANIT XHAKA
Xhaka në formacionin e javës
16 February, 2015 @15:33
Faqja e njohur për futboll, Goal.com, ka përzgjedhur formacionin më të mirë të javës 21 në Bundesligë, ku është përfshirë edhe mesfushori kosovar me nënshtetësi zvicerane, Granit Xhaka.
Xhaka ka arritur të zë vend në 11-shen më të mirë pas paraqitjes së shkëlqyeshme në ndeshje ndërmjet Borussia Monchengladbachut dhe Kolnit, ku e kishte shënuar golin e vetëm në ndeshje pak para përfundimit, për t’ia siguruar tre pikë skuadrës së tij.
Graniti ka kompletuar katërshen e mesfushës së bashku me Arjen Robbenin, Bastian Schweinsteigerin dhe Marco Reusin, të cilët po ashtu kanë pasur paraqitje të shkëlqyeshme gjatë kësaj jave për skuadrat e tyre përkatëse.
