Xhaka për Xhemajlin + 5 mln €

Napoli, që ka përfunduar stinorin në vend të tretë të Serie A dhe do të merr pjesë në Ligë të Kampionëve në stinorin 2014/15, ka bërë një ofertë interesante drejt Borussia Monchengladbachut. 

Sipas mediave zvicerane, saktësisht Ticinonline, Granit Xhaka i ka rënë në sy Rafael Benitezit gjatë Kampionatit Botëror “Brazili 2014” dhe po e dëshiron në ekip. 

Mirëpo, për marrjen e tij, napolitanët ofrojnë një shqiptar tjetër. Ata i kanë ofruar ekipit gjerman Blerim Xhemajlin plus 5 milionë euro shtesë - vetëm e vetëm që gjermanët ta lëshojnë Xhakën drejt Napolit. 

Tash mbetet të shihet nëse do të realizohet dëshira e teknikut, Rafael Benitez, derisa për Xhakën kalimi te Napoli nuk duket të jetë problem, transmeton Football Italia.