Xhemajli me gol, Inter mposhtet pas 2 muajve

Tre nga katër golat e Napolit në fitoren e madhe të sontme ndaj Interit i kanë shënuar transferet e ardhur këtë stinor. 

Ish madrilenët, Gonzalo Higuain dhe Jose Maria Callejon bashkë me belgun Dries Martens kanë kontribuuar me gola në fitoren e napolitanëve, ku ka shkëlqyer edhe shqiptari Blerim Xhemajli (org. Dzemaili) i cili ka shënuar gjithashtu. 

Inter 20 minutat e fundit të ndeshjes i zhvilloi me një lojtar më pak, pasi që Ricky Alvarez u përjashtua me karton të kuq, pas dy të verdhave, dhe më nuk kishte forcë për rikthim. 

Në fund, maqedoni dhe ish lojtari i Interit, Goran Pandev, ka dështuar të shënojë nga penalltia për të bërë fitoren e Napolit edhe më të madhe. Me këtë fitore Napoli ka bërë një hap të madh për të mbetur në treshen kryesuese, derisa Inter duhet të kërkojë fitoren diku tjetër. 

Për më tepër, kjo ka qenë disfata e parë e Interit që prej 5 tetorit, pas më shumë se dy muaj në Serie A, kur u patën mposht nga Roma në Giuseppe Meazza, ndërsa në tre ndeshjet e fundit kishin barazuar.

Kosovari Valon Behrami është futur në 12 minutat e fundit të ndeshjes për të kontribuuar në mbrojtjen e rezultatit, sipas kërkesës së Rafael Benitezit. 

Rezultatet dhe tabela aktuale.