HAT TRICK SHQIP
Xherdan i vërtetë, Hat-trick i Shaqirit
25 June, 2014 @23:30
Zvicra ka arritur të sigurojë të tetën e finales së Kampionatit Botëror me fitore të thellë ndaj Hondurasit 3-0.
Ylli i ndeshjes ka qenë kosovari Xherdan Shaqiri që ka shënuar hat-trick në këtë ndeshje. Ai ka pasur paraqitje të mrekullueshme sonte dhe ka shënuar golat e tij të parë në Botëror.
Shaqiri është bërë lojtari i parë i Zvicrës që ka shënuar dy gola në një ndeshje për këtë shtet që nga Adrian Knup në SHBA ‘94. Ai gjithashtu pas 20 vjetëve është bërë futbollisti i parë i Zvicrës që ka shënuar jashtë 16 metërshit.
Valon Behrami, Granit Xhaka dhe Admir Mehmedi kanë qenë bashkë me Shaqirin në formacionin bazë të Ottmar Hitzfeldit, derisa kah fundi Blerim Xhemajli zëvendësoi yllin e kësaj ndeshjeje.
Me këtë fitore dhe me barazimin e Ekuadorit ndaj Francës, Zvicra kalon në raundin tjetër të Brazili ‘14 ku do të ndeshet me Argjentinën.
