PORTO ALEGRE
Messi inspiron Argjentinën me gola, Nigeria falenderon Bosnjën
25 June, 2014 @19:29
Argjentina ka arritur të shënojë fitore edhe në ndeshjen e fundit të Grupit F, duke e mposhtur Nigerinë 3-2, në një ndeshje me shumë raste dhe të hapur përgjithësisht.
Lionel Messi ka shënuar dy herë për Gauchosët, derisa golin e fitores ekipit të Alejandro Sabellas ia dha mbrojtësi i krahut, Marco Rojo.
Nigeria është treguar tejet e rrezikshme dhe ka shfaqur edhe njëherë dobësinë e madhe argjentinase në mbrojtje, ku sulmuesi i CSKA Moskës, Ahmed Musa shënoi dy herë për të barazuar rezultatin në 1-1 dhe 2-2, para se Rojo të shënojë golin e fitores.
Duke iu falenderuar Bosnjës e Hercegovinës që fitoi Iranin, Nigeria bëhet vendi i parë afrikan që kalon fazën grupore dhe arrin të tetën e finales në Brazili 2014.
Argjentina përfundon si lidere e Grupit F me pikë maksimale, derisa Messi kap bashkëlojtarin e tij nga Barcelona, Neymar, në listën e golashënuesve me 4 të shënuara në 3 ndeshjet e para të Botërorit.
