Ylli i vetmuar në Brazil

Neymar u përshëndet nga Kampionati Botëror, pas lëndimit. James Rodriguez me lot. Luis Suarez, turpshëm. Cristiano Ronaldo dhe Wayne Rooney, dështuan të krijojnë më shumë, e Zlatan Ibrahimovic mbeti në shtëpi. 

Ylli si ujë në shkretëtirë

Por, Lionel Messi, arsyeshëm ylli më i madh nga të gjithë këta është ende duke qëndruar dhe është larg vetëm dy fitore nga statusi që do ta bëj atë më të madhin e të gjitha kohërave. 

“Ai është uji ynë në shkretëtirë. Kur terreni ishte i thatë, edhe njëherë, ai na dha rastin që të ndiejmë ajrin e freskët,” ka thënë përzgjedhësi argjentinas, Alejandro Sabella. 

Në ditën kur ai veshi fanellën e Argjentinës për të 91-tën herë në fushë - për tu barazuar me paraqitjet e Diego Maradonës, duke u bërë dhjetëshja e parë e Gauchosëve pas Maradonës që e arrin gjysmëfinalen e Botërorit - krahasimet janë të paevitueshme. 

Kujtimet

 

Performanca e tij mund të mos duket bindëse, mirëpo imazhi kur 6 belgë mbetën në kërkim të topit derisa ai nxorri gjuajtjen e lirë - të gjithë kujtuan Maradonën dhe ngjajshmëritë. 

Sa herë që brazilianët shohin suksesin argjentinas në këtë Botëror dhe sa herë Argjentina po e kalon kundërshtarin e radhës - ata e dinë ku t’i prekin - ne i kemi pesë tituj këndojnë brazilianët, Penta Champion. 

Nëse deri më tani këtë nuk e kanë pasur, tashmë Holanda do të ketë respekt për këtë Argjentinë. Vetëm me Messin në ekip, ata do të kenë një lojtar të cilit i frikësohet çdokush. 

Numri 10

 

Mbetet të shihet nëse ai do të inspirojë Argjentinën për t’i ikur fantazmave të së kaluarës dhe t’i arrijnë ato të “Meksika 1986”, të kohës së Maradonës. 

Atë që e dinë të gjithë, përkundër Maradonës, ekipi i Argjentinës asokohe nuk ka qenë ekip i bazuar te një lojtar - e këtë ndeshje pas ndeshjeje po e vërteton edhe Argjentina e këtij viti. 

E sikurse edhe në të kaluarën, Argjentina bashkë me tifozët e saj kërkojnë inspirim… E për këtë do të duhet të shikojnë njeriu me numrin 10 në shpinë. 

MESSI-DONA > MAGJIA:

#	LIONEL MESSI	DIEGO MARADONA
Paraqitje për Argjentinën:	91	91
Gola për Argjentinën:	42	34
Paraqitje në Botëror:	13	19
Gola në Botëror:	5	8

NUMRAT E MESSIT:

1	Gola për Argjentinën >	91 paraqitje dhe 42 gola
2	Gola për Barcelonën >	466 paraqitje dhe 381 gola

FAKTE:

1	Kjo është hera e parë që nga "Meksika 1986" që Argjentina ka arritur të kalojë çerekfinalen pas vetëm 90 minutave lojë;
2	Çdo fitore e Argjentinës, është realizuar me 1 gol dallim nga kundërshtari në "Brazili 2014";