Përfundon Botërori për Di Marian!

Krahu i Real Madridit që pësoi një lëndim në ndeshjen çerekfinale të Kampionatit Botëror, do ta lë ekipin e tij pa ndihmë gjatë ditëve të fundit në Brazil. 

Angel Di Maria, që pësoi një lëndim në ndeshje ndaj Belgjikës, si duket ka përfunduar misionin e tij në “Brazili 2014”. 

Sipas njoftimeve të dhëna nga Goal.com që bazohen në reprezentuesin e Di Marias, ai nuk do të jetë në gjendje që të kthehet në fushë, citohet të ketë thënë agjenti i tij, Eugenio Lopez për versionin argjentinas të kësaj faqeje. 

Sidoqoftë, një gjë e tillë nuk është zyrtarizuar ende nga tabori argjentinas dhe pritet që brenda dy ditëve maksimalisht të qartësohet gjithçka sa i përket tij. 

Argjentina do të ketë punë me Holandën në gjysmëfinale të Botërorit.