Zëvendësuesi Bekim Balaj për 8 minuta sjell fitoren

Sulmuesi i kombëtares shqiptare, Bekim Balaj, ka shënuar mbrëmë golin vendimtar dhe të fitores për skuadrën e tij Sturm Graz.

Sturmi mposhti Swarovskin e Tirolit me rezultat minimal 1-0 [Balaj 76] dhe me tri pikët e fituara është ngritur në pozitë të katërt të Bundesligës austriake me 15 pikë nga 8 ndeshje. Salzburgu lider ka 22 pikë nga 9 ndeshje.

Balaj u fut në lojë në minutën e 68 të ndeshjes dhe pas 8 minutash në fushë, shënoi për fitore. Për Sturmin përgjatë 90 minutave në bankë rezervë ka qëndruar edhe lojtari i ri i Kosovës Dardan Shabanhaxhaj.