SHAHIN HAXHIISLAMI - PEJË
Zëvendësuesi Dautaj sjell fitoren e Besës
15 March, 2015 @14:46
Përkundër se dominuan gjatë gjithë ndeshjes, patën një morri rastesh, goditën shtyllën dhe kontrolluan lojën, pejanët kanë arritur të shënojë fitore me rezultat minimal dhe atë falë zëvendësuesit Qëndrim Dautaj.
Dautaj i cili u fut në pjesë të dytë të ndeshjes në lojë nga trajneri Arbnor Morina, zgjidhi çështjen për ekipin pejan, pasi që shënoi golin e vetëm dhe të fitores për ekipin.
Fatih Karahoda, Kreshnik Rexha e Mark Milicaj përkundër rasteve që patën nuk arritën të shënojnë në pjesë të parë, ndërsa me gjuajtje nga larg provuan edhe Dukagjin Gashi e Fetim Kasapi - por më kot.
Përndryshe, Dautaj është transferi i fundit i Besës i cili erdhi pikërisht nga Ferizaji në afatin e fundit kalimtar.
