SOUTHAMPTON - CHELSEA
Zëvendësuesi Giroud shpëton Chelsean, shton problemet e Southamptonit
14 April, 2018 @15:25
Pas mesjavës me përmbysje në garat evropiane, me përmbysje ka kaluar dhe takimi hapës i xhiros në Premier League.
Chelsea i Antonio Contes arriti ta fitojë me përmbysje takimin ndaj Southamptonit, për t’i mbajtur kështu gjallë shpresat për një vend që dërgon në Champions League.
Në fakt vendasit zhvilluan një ndeshje shumë të mirë për 60 minuta, mirëpo gjithçka ndryshoi pas inkuadrimit të francezit Olivier Giroud në radhët e mysafirëve. Sulmuesi shtatlartë u inkuadrua në lojë në minutën e 61’ dhe tregoi ndikim të menjëhershëm në lojë, duke shënuar 2 herë, ndërsa goli tjetër u shënua nga Hazard, për t’ia mundësuar kështu mysafirëve arkëtimin e 3 pikëve të reja.
Sa i përket vendasve, kjo humbje iu shton atyre problemet në luftën për mbijetesë.
