NATI
Zvicra në kërkim të selektorit
28 July, 2021 @1:17
Përfaqësuesja e Zvicrës në futboll pas historisë së shkruar në EURO2020 duke arritur në tetëshen më të mirë të kampionatit dhe eliminimit të Francës në të tetën e finales, ka ndarë rrugët me përzgjedhësin e saj Vladimir Petkovic.
Trajneri 57-vjeçar ka arritur marrëveshje me skuadrën franceze të Bordeaux dhe me këtë epoka e tij te Zvicra ka përfunduar.
Në ndërkohë, Federata zvicerane që ka dhënë njoftimin për largimin e Petkovicit pas shtatë vitesh të drejtimit të reprezentacionit është duke kërkuar trajner të ri, nën lidershipin e drejtorit të kombëtares Pierluigi Tami.
