VIDEO
Zymer Bytyqi shkëlqen si titullar, protagonist në fitore
13 January, 2021 @15:49
Mesfushori ofansiv kosovar, Zymer Bytyqi, ka gjetur shpejt hapësirën te skuadra e tij e re Konyaspor, tek e cila ishte transferuar vetëm pak ditë më parë.
Pas debutimit të tij me asist në ndeshjen e kaluar kundër skuadrës Fatih Karagumruk, Bytyqi sot shkëlqeu duke luajtur si titullar në ndeshjen e Kupës së Turqisë, të cilën skuadra e tij e fitoi me rezultat 2-1 përballë Gaziantepit.
Bytyqi ishte protagonisti i golit të parë të Konyasporit, pasi harkimi i tij nga korneri përfundoi me topin në portë.
Futbollisti 24 vjeçar mbeti në fushë për 90’ minuta dhe u vlerësua lartë me paraqitjen që e tregoi.
Në këtë ndeshje nga minuta 61’ për Konyasporin u inkuadrua edhe sulmuesi i Shqipërisë, Sokol Cikalleshi.
Gol: Son asist Bükücü Zymer Bytyqi & Marin Anicic pic.twitter.com/NYRjxIdHfD
— Anadolu Kartalı (@Anadolukartal42) January 13, 2021
