2 Korriku nxjerr pikë në Istog

Skuadra e Istogut nuk ka arritur të shfrytëzojë epërsinë e krijuar në pjesë të parë të ndeshjes për të shënuar fitore në përballje ndaj 2 Korrikut në Demush Mavraj sot.

Goli i ardhur nga Alban Musolli në pjesë të parë të ndeshjes, saktësisht në minutën e 26-të nuk doli i mjaftueshëm për djelmoshat e trajnerit Besim Podrimaj.

TABELA AKTUALE E LIGËS SË PARË

Fillimi i pjesës së dytë, përkundër ndërrimeve te ekipi i troftave, i takoi mysafirëve nga Prishtina, të cilët shfrytëzuan një rast dhe shënuan për 1-1 në minutën e 53-të të ndeshjes.

Me këtë rezultat, Istogu arrin kuotën e 11 pikëve, ndërsa 2 Korriku që po lufton për të dalë nga zona e rrezikshme e Ligës së Parë, kap kuotën e 7 pikëve.